2024 DSE|用電腦條碼貼紙有咩要留意?+ 填寫考生編號注意事項

電腦條碼貼紙種類
考試開始前

入到試場之後,請使用「報到易」應用程式,掃描個人電腦條碼紙上任何一電腦條碼 以完成簽到程序!

完成簽到之後,請依照試場主任嘅指示 關閉手提電話。

※ 有關「報到易」詳情可以㩒呢度 👉 #點用報到易

✍️/考試期間……

考試期間……

宣布開考後,你必須喺答題簿、試題答題簿、多項選擇題答題紙、補充答題紙以及方格紙嘅指定位置貼上電腦條碼貼紙同埋填寫考生編號。 (多項選擇題答題紙需要額外填寫姓名以及 簽署)

🧑‍🏫/宣布「停止作答」後……

宣布「停止作答」後……

宣布「停止作答」之後,你唔可以再張貼個人電腦條碼貼紙或填寫考生編號。

監考員會分開收集答卷同電腦條碼紙,你唔可以將剩餘嘅電腦條碼貼紙帶離試場。

Q:如果我喺宣布「停止作答」之後先發現自己未喺封面張貼電腦條碼貼紙,我可唔可以補貼翻?

A:監考員到時會安排你喺佢嘅監督下喺答題簿封面/多項選擇題答題紙補貼翻電腦條碼貼紙,然後喺考試完結之後於報告書上簽署。

千祈唔好喺宣布「停止作答」後自行補貼電腦條碼貼紙,一定要喺監考員嘅監督之下先好貼!
正常情況下,補貼電腦條碼貼紙唔會有任何分數懲處,唔使擔心。

/備用電腦條碼紙

備用電腦條碼紙

如果試場無你嘅個人電腦條碼紙(例如你去咗非指定試場應試);甚或乎你嘅個人電腦條碼紙損毀、資料錯誤或者唔見咗,監考員會幫你準備一張備用電腦條碼紙。

/如果電腦條碼紙唔夠用……

如果電腦條碼紙唔夠用……

萬一你真係加咗好多張補充答題紙,電腦條碼貼紙唔夠用嘅話,試場係唔會為你安排額外嘅電腦條碼紙㗎!

到時你只需要喺原本用嚟張貼電腦條碼貼紙嘅指定位置上面寫翻自己嘅考生編號就得!(唔會扣分,亦唔使喺試後填寫任何報告書)

常見問題 Q&A

/電腦條碼貼紙常見問題 Q&A

Q:英文科試卷一/三嘅 Part B,我需唔需要同時喺 B1 B2 兩個部分嘅答題簿張貼電腦條碼貼紙?

A:你只需要喺你所選答部分嘅答題簿封面貼上電腦條碼貼紙,冇選答嘅試題答題簿並唔需要理會。

/考生編號常見問題 Q&A

Q:如果我喺宣布「停止作答」之後先發現自己未喺封面寫考生編號點算?

A:你可以 喺監考員監督下補寫考生編號(唔會扣分)。

千祈唔好喺宣布「停止作答」後自行補寫考生編號,一定要喺監考員嘅監督之下先好寫!

Q:如果喺答題簿/紙寫漏考生編號,或者寫錯考生編號,會唔會影響分數?

A:答卷得分唔會因為漏寫考生編號或者寫錯考生編號而受到影響!

/會被扣分嘅情況一覽

會被扣分嘅情況

【扣 1% 分數】

未有喺答卷貼上電腦條碼貼紙

【扣 5% 分數】

於考試開始前/期間/完畢後喺考室內攝影或錄影電腦條碼貼紙(包括擷取電腦條碼貼紙嘅屏幕截圖)

【降級】

公開展示電腦條碼貼紙相片

拍攝電腦條碼貼紙/擷取貼紙嘅屏幕截圖,或者將電腦條碼貼紙攜離試場並以電子或公開形式展示