上年總共有 463 位考生喺試場做咗違規行為而被扣分，甚至降級！
究竟做咗啲咩會俾人扣分？點樣先可以避免？睇完今個 Post 你就知！
✅ 唔會扣分
1. 未能使用 「報到易」完成自行簽到
無須填寫報告書，監考員會協助完成點名程序。
有關「報到易」嘅注意事項同使用方法，請參閱以下文章：
https://recurso.com.hk/column/exam-info/check-in-smart-2025/
2. 未有填寫考生編號
無須填寫報告書，監考員會俾你喺監督下補填。
3. 內頁漏貼電腦條碼貼紙
4. 使用錯誤答題簿／試題答題簿作答
喺「健康管理與社會關懷」及「設計與應用科技」試卷二考試入面，考生會獲派發多於一本的答題簿／試題答題簿。如你錯誤使用答題簿／試題答題簿作答，你應繼續使用嗰個答題簿／試題答題簿作答。錯誤使用答題簿／試題答題簿唔會被扣分。
5. 使用標籤褪色嘅計算機
考試期間可以用標籤褪色嘅計算機，唔會扣分，唔使填報告書，但試場主任都會建議下次用返部印好標籤嘅計算機。
有關計算機嘅注意事項，請參閱以下文章：
https://recurso.com.hk/column/exam-info/dse-calculator/
❌ 收警告信
1. 帶入試場嘅計算機屬准用型號，但未有正確地印上標籤
考試期間使用未有印上標籤嘅計算機，完卷後須要填寫報告書，仲會收警告信。
有關計算機嘅注意事項，請參閱以下文章：
https://recurso.com.hk/column/exam-info/dse-calculator/
2. 管有少量未經許可嘅物品，但無辦法透過嗰件物品喺考試中獲益（例如考評局通告）
❌ 扣 1% 分數
1. 管有少量未經許可嘅物品，物品同應考科目冇直接關聯，亦未有證據證明自己作弊，你亦已提供合理嘅解釋
2. 手提電話處於關閉模式，但喺考試中途發出聲響／震動／顯示屏幕開啟；或任何其他物品發出聲響
3. 未經許可喺准許早退時段擅自離開試場
離開試場前記得先舉手向監考員示意！
4. 唔小心將考試用品攜離試場
例如電腦條碼貼紙、補充答題紙、方格紙、草稿紙。
5. 未有喺答卷任何位置貼上電腦條碼貼紙
若然監考員發現你未曾喺答題簿／試題答題簿封面／多項選擇題答題紙貼上 Barcode，佢係會指示你喺封面度貼返，然後須要填寫報告書。
點都好，你份卷上面必定會有至少一張 Barcode，所以呢個情況基本上係無可能發生。
6. 喺聆聽考試較報到時間遲逾 30 分鐘抵達試場
7. 喺聆聽考試未有攜帶適當嘅收音設備 （收音機及／或耳筒）
有關英文科聆聽嘅注意事項，請參閱以下文章：
https://recurso.com.hk/column/exam-info/english-p3-reminder-2025/
❌ 扣 2% 分數
1. 管有少量未經許可嘅物品，物品同應考科目冇直接關聯，亦未有證據證明自己作弊，但未有提供提供合理嘅解釋
2. 應考期間仍然能夠接觸電子器材，惟器材處於關閉模式
3. 唔遵從監考員有關開始作答或考試終結嘅指示（經警告後仍開始／繼續作答或手持文具）
4. 喺答卷內寫上自己嘅姓名或身分證明文件號碼，或將印有姓名嘅個人電腦條碼紙貼喺答卷上，俾閱卷員睇到
5. 喺試場內同其他考生作簡短嘅溝通，但未有作弊之嫌
❌ 扣 5% 分數
1. 攜帶未經考評局批准使用嘅計算機或電子器材，但未有證據證明你喺考試入面獲得唔公平嘅益處
2. 喺唔可以早退嘅時段離開筆試／口試試場
3. 帶入試場嘅電子器材處於開啟模式，並放喺座椅下／袋內，但未有作弊之嫌
4. 喺考試開始前／期間／完畢後喺考室（包括口試報到室同備試室）入面攝影（包括擷取電腦條碼貼紙屏幕截圖）、錄音或錄影，但有喺考試完畢後按試場人員指示將有關相片／錄音／錄影删除
5. 喺同一考試年度內前往非指定試場應試超過一次
❌ 相關科目成績降級
1. 喺應考時可以接觸到大量未經許可嘅物品（例如印刷／電子版的溫習筆記或課本），而嗰件物品可令你獲益，不過未有證據證明你作弊
2. 帶入試場嘅電子器材處於開啟模式，並放喺身上／檯上，但未有作弊之嫌
3. 屢次違反監考員嘅合理指示或對主考員／監考員粗暴無禮
4. 考試開始前／期間／完畢後喺考室（包括口試報到室同備試室）入面攝影、錄音或錄影（包括於擷取電腦條碼貼紙的屏幕截圖），並公開展示相關相片或紀錄
5. 拍攝電腦條碼貼紙／擷取其屏幕截圖，或將電腦條碼貼紙帶離試場並以電子或公開形式展示
6. 早退嘅時候將試卷帶離試場
❌ 答卷不獲接納
1. 未能喺應考時出示足夠考評局要求嘅身分證明文件，亦未能喺考試後指定時段內呈交相關文件供核對身分
2. 應考錯誤嘅應考語文／選修卷別／單元
3. 考生喺呈交答卷前將答卷／答卷內頁攜離試場
4. 視覺藝術科考試，喺未經許嘅的紙張（例如自攜畫紙）上繪畫或作答
❌ 取消科目成績
1. 接受不誠實監考員嘅協助
2. 偷睇鄰座考生嘅答卷
3. 喺應考時接觸大量未經許可物品（包括印刷或電子版）
4. 使用電子器材同外界溝通
5. 接觸考試相關資科以獲得不公平利益
6. 嚴重行為不檢，肆意擾亂考試秩序
❌ 取消全部考試成績
1. 由他人代考、喺考試前以不正當手法獲悉試題內容
2. 有計劃地蓄意作弊
3. 以電子器材作弊
資料來源：香港考試及評核局
