每年嘅 DSE 考試，考場外經常會有人以「問卷」嘅名義收集你嘅個人資料。
一旦你向佢哋提供咗個人資料（包括你嘅聯絡方式），你就有機會喺考試之後不斷收到佢哋嘅匿名宣傳訊息／電話騷擾，佢哋有機會會以失實資訊影響你嘅升學選擇，然後遊説你花費鉅款報讀不知名、唔受資歷架構認可嘅課程！
根據《個人資料（私隱）條例》（第 486 章）第 4 條及附表一，如果收集問卷嘅人無如實透露佢哋嘅身份、收集資料嘅目的、資料可能會轉移俾咩人，就有機會違反法例要求！
而根據《個人資料（私隱）條例》（第 486 章）第 35C、35E、 35J 、35K 條，如果佢哋喺未經你同意下用你嘅資料進行促銷，又有或者轉讓俾其他人進行促銷，更加有機會觸犯刑事罪行！
請廣大考生保護好個人資訊，拒絕填寫陌生人提供嘅問卷！
