檢查項目 1：計算機嘅電量
當你用手遮蓋計算機太陽能板嘅時候，倘若開機速度變得緩慢，或者顯示器顯示嘅字元暗淡，代表電池電量嚴重不足，係時候換電喇！
🔋 電池類型：LR44（家居零售店有售）
💡小提醒：換電後所有 Program 會被自動清除，你需要重新輸入！/
換電步驟（資料來源：CASIO）：
1. 按[SHIFT][AC]關閉計算機，將機殼套入計算器前面，確保更換電池時不會意外打開計算機。
2. 在計算機背面，卸下螺絲和電池蓋。
3. 取出舊電池。
4. 用乾布擦拭新電池後，將其正極 [+] 朝上裝入電池倉。
5. 蓋上電池蓋並用螺絲將其固定到位。
6. 按 [SHIFT] [9] [3] [EXE] 初始化計算機。
檢查項目 2： ▌▌▌▌█ H.K.E.A.A. APPROVED 標籤
考評局會喺嚟緊 3 月 7 日及 14 日提供免費加印標籤服務：
香港考試及評核局修頓中心辦事處 地址：香港灣仔軒尼詩道 130 號修頓中心 12 樓 時間 ： 下午 2 時至 5 時正
💡小提醒：到時需要出示准考證，記住帶埋喇！
咩情況應該重新加印標籤？
1 】標籤褪色，但仍然能夠睇到部份原有嘅標籤
∴ 可以唔使重新加印標籤
考試期間可以用標籤褪色嘅計算機，唔會扣分，唔使填報告書，但試場主任都會建議下次用返部印好標籤嘅計算機
2 】本身冇印到標籤／標籤已經褪色到完全睇唔到
∴ 須要去加印標籤
考試期間使用未有印上標籤嘅計算機，完卷後須要填寫報告書，仲會收警告信
檢查項目 3：邊啲地方唔可以黐貼紙／寫嘢？
❌ 機身 ❌
機身上嘅所有貼紙、文字、筆記都必須移除，即使係姓名貼紙都必須移除！
✅ 機殼 ✅
可以保留貼紙及文字，因為考試嘅時候你須要將機殼放喺手提包內或座椅下。
如果帶多過一部計算機……
既然計算機機身唔可以寫任何字／黐貼紙，而且兩部機都一樣咁新淨，咁仲有咩方法可以分到邊部打邊部？
你可以用箱頭筆喺其中一部計算機上面畫粒點（效果如圖）。切記，千祈唔好用任何數字或圖案喺計算機機身上面標示！
💡小提醒：考試之前一定要記清楚邊部機分別對應嘅係邊啲 Programs！除此之外，仲要記熟 Program 嘅每一個 Variables 係代表啲咩！
你唔應該……
1 】使用唔喺「准用計算機型號名單」上嘅計算機
扣 5% 分數
2 】喺計算機背後書寫
扣分／取消全部考試成績
你應該……
1 】將計算機蓋／封套放喺手提包內或座椅下
2 】喺休息時間收好計算機，避免有心人士刪除／破壞你嘅 Program
可以用計算機嘅科目
除咗「中國語文」同「英國語文」，其餘所有科目都可以使用計算機！
考中文同英文期間，你必須將計算機放喺手提包內或者座椅下！
資料來源：香港考試及評核局
