2025 DSE｜補充答題紙注意事項
補充答題紙種類
每一張 A3 尺寸嘅補充答題紙由四頁 A4 尺寸嘅答題紙組成。
補充答題紙（A）
中國語文卷二及中國文學卷一以外嘅卷別適用
補充答題紙（A）下載：
https://recurso.com.hk/s/supp-a/
補充答題紙（B）
中國語文卷二及中國文學卷一適用
補充答題紙（B）下載：
https://recurso.com.hk/s/supp-b/
補充答題紙使用注意事項
一、貼上電腦條碼貼紙 + 填寫考生編號
你需要喺補充答題紙嘅指定位置貼上電腦條碼貼紙。 如果你嘅電腦條碼貼紙不敷應用，你可以喺答卷原先用嚟張貼電腦條碼貼紙嘅指定位置上寫上考生編號！
二、填畫試題編號方格
喺你所作答題目嘅題號到填畫「X」號 ※ 謹記：係「X」，唔係「✓」
倘若一條試題包括若干部分，例如第六題包括 (a)、(b)、(c) 三部分，你都應該一律喺試題編號方格「6」到填畫「X」號。
如果你用原子筆填畫試題編號方格，及後想作修改，除咗可以用塗改液／改錯帶塗改，亦可以依照圖入面嘅例子清楚地更正！
三、作答另一條試題、作答分題
每頁只供作答一條試題，但你可以喺同一張補充答題紙嘅其他分頁上作答唔同試題，並無須另開新紙！ 不過，你可以喺同一頁上面作答同一條試題嘅分題！
四、交卷時
喺派補充答題紙嘅同時，監考員會同時派發白短繩。 宣布「停止作答」之後，你只需要將補充答題紙夾喺答題簿／試題答題簿裡面（冇指定位置，夾喺入面就得），跟住用白短繩將答題簿同補充答題紙穿起打結，縛緊即可！
你亦有機會喺派補充答題紙嘅時候會獲發綠色文件繩（俗稱盲公繩）。 同白短繩一樣，到時只需要喺宣布「停止作答」之後，將補充答題紙夾喺答題簿／試題答題簿入面，跟住用盲公繩將答題簿／試題答題簿同補充答題紙穿起即可！
※ 一般而言，只有「英國語文」卷一、卷三以及「設計與應用科技」卷二會主動向你派發盲公繩，但有時候未必會跟到咁足，考其他科嘅時候都有機會收到盲公繩而唔係白短繩，照用就 OK！
部分卷別注意事項
以下卷別有多過一個部分，各部分嘅補充答案，必須使用唔同嘅補充答題紙作答：
英國語文 試卷一及試卷三
Section A 同 Section B1 ／ Section B2 嘅補充答案，必須使用唔同嘅補充答題紙作答！
健康管理與社會關懷 試卷二
甲部同乙部嘅補充答案，必須使用唔同嘅補充答題紙作答！
設計與應用科技 試卷二
卷二甲至二丁同卷二戊嘅補充答案，必須使用唔同嘅補充答題紙作答！
交卷嘅時候，記得將補充答題紙夾翻入相應嘅答題簿／試題答題簿！
溫馨提示
切勿將補充答題紙撕開使用，否則會被扣分，甚至取消全部考試成績！
為免因為監考員未及時察覺而耽誤作答時間，你可以喺答題簿寫到最後一頁中段嘅時候舉手示意，提早向監考員索取補充答題紙！
資料來源：香港考試及評核局
