2025 DSE 放榜須知｜放榜需要準備嘅資料同物品｜成績發放安排｜JUPAS 修改課程資訊
時光飛逝，轉眼間就嚟到放榜呢個重要嘅日子了！
今年嘅放榜日係 📅 7 月 16 日（星期三），放榜到底需要事先準備咩文件？成個放榜流程又會係點？希望呢 POST 可以帶到啲頭緒俾你！
放榜需要準備嘅資料同物品
· 身份證［正本及數張副本］
· 文件夾［用嚟放 DSE 成績表］
· 八達通
· 適量現金
· 電子設備［平板／電腦］
· 個人放榜計劃表
· 文具［如：原子筆／塗改帶／Memo 紙］
· 紙巾
· 水
· 雨傘
↓ 以下物品供即場面試使用，請自行判斷是否需要攜帶 ↓
· 中五、中六成績表［正本及數張副本］ · 學生相［數張］ · 比賽／活動的經驗及成就 (OEA)［正本及數張副本］ · 學生學習概覽 (SLP)［正本及數張副本］
成績發放安排
日校考生
· 依照學校安排返學校攞成績通知書
自修生
· 成績通知書會以平郵方式寄出，預計 7 月 16 日收到
· 早上 7 點起登入「香港中學文憑考試網上服務」查閱成績 (https://www.hkdse.hkeaa.edu.hk/)
夜校考生
· 依照學校安排返學校攞成績通知書
· 早上 7 點起登入「文憑試成績查閱」查閱成績 (https://www.hkdse.hkeaa.edu.hk/RD/result.jsf)
大家亦會喺早上 9 點起透過手機短訊接收到考試成績，短訊發送者會標示為「#HKEAA」。
請留意：接收到短訊嘅時間有機會比起學校放榜時間更早。如果唔想喺派發成績單前突然得悉成績，記住預先關閉手提電話！
心理準備
預備五種可能出現的情況，預先搜尋潛在的升學選項，提前規劃。
· 最終成績比預計高 3 分以上
· 最終成績比預計高 1 至 3 分
· 最終成績符合預期
· 最終成績比預計低 1 至 3 分
· 最終成績比預計低 3 分以上／必修科不合格
重要電話
大學聯合招生處 ☎️ 2334 2929／2233 2929 💡 查詢 9 所「大學聯招辦法」參與院校及 SSSDP「資助計劃」院校處理所提供課程的入學申請事宜。
香港考試及評核局 ☎️ 3628 8860 💡 提供考生支援服務。
情緒通 ☎️ 18111 💡 提供一站式精神健康支援服務。
學友社 ☎️ 25033399 💡 提供升學資訊、情緒輔導、與及個人化的升學及就業意向輔導服務。
積分覆核／重閱答卷
積分覆核
覆檢有關科目嘅答卷或記分紙有冇技術上嘅錯誤
重閱答卷
答卷會經由覆核閱卷員重新評核
1️⃣ 注意事項：截止日期
你可以喺 7 月 16 至 21 日期間提出積分覆核及／或重閱答卷的申請。
如果你係學校考生，申請積分覆核及／或重閱答卷嘅截至日期可能會更早，詳情記得留意學校嘅公佈喇！
2️⃣ 注意事項：覆核上限
你最多可以申請覆核 4 科成績。 如果你就同一科目嘅一個或多於一個分部成績申請重閱答卷，只作一個科目計算。（例如：同時覆核英文卷一及卷三只當作一科，數學科必修部分及延伸部分同樣當作一科）
3️⃣ 注意事項：繳費方法
如果你係學校考生，你將會喺學校遞交申請嘅同一日收到電郵同繳費單，謹記你一定要喺遞交申請後 2 天內繳付費用！
學校考生：只接受 7-ELEVEN／Circle K 繳費。
自修生：接受 7-ELEVEN／Circle K／VISA／MasterCard 繳費。
4️⃣ 注意事項：覆核後分數獲得提升
考評局會通知 JUPAS ／有關的大專院校及教育局所有覆核申請而獲得成績提升嘅考生資料。
成績覆核完升咗分嘅話，如果打算要求有關院校按覆核後的成績重新考慮其取錄資格，可以喺 2025 年 8 月 14 日（上午 9 時至下午 6 時）經由 JUPAS 網上申請系統遞交申請。
5️⃣ 注意事項：覆核後分數比原來低
如果積分覆核／重閱答卷後嘅分數比原來低，成績通常唔會降級。
JUPAS 修改課程
成績公佈後，所有申請人可以喺獲分配嘅個人時段內免費修改課程選擇一次，期間可以： ➕ 取代／增選最多 5 項課程 ➖ 刪除課程 🔄 更改課程優先次序
至於 「獲分配的個人時段」可以登入 JUPAS 帳戶首頁查閱。
1️⃣ 注意事項：重新遞交申請
如果你想重新遞交申請一次，你需要喺 2025 年 7 月 19 日（下午 1 時 15 分）前 ，喺 JUPAS 系統繳交港幣 250 元正嘅修改費用，並且喺 一小時內完成修改及遞交課程選擇。
2️⃣ 注意事項：E-APP 與 JUPAS
E-APP 同 JUPAS 屬於兩個唔同嘅系統，因此即使你獲副學士／高級文憑課程「有條件取錄」並繳交留位費，咁樣都係唔會影響你經 JUPAS 遴選取錄嘅結果！
如果經討論認為有需要先繳交該副學士／高級文憑課程嘅留位費，相關款項亦能夠喺你接受經 JUPAS 申請嘅課程取錄後退回！
放榜流程圖
重要日程
聯招以外的全日制經評審副學位及學士學課程申請資訊及收生安排
